Akademie & Aktiwiteite
Die Wonderwêreld van Leer — holistiese ontwikkeling vir elke kind
Lig wat lei, groei wat bly
Educating Young Minds
Die Wonderwêreld
van Leer
Om te leer is soos om op 'n ontdekkingsreis te gaan. Om elke hoek en draai wag daar 'n nuwe avontuur en uitdaging wat bemeester moet word. 'n Nuwe wêreld word oopgesluit en so gaan elke leerder saam met ons op sy eie ontdekkingsreis.
Tutors@Zwartkop maak die ontdekkingsreis saam met u kind mee. Ons gee nie net intellektuele bystand nie, maar poog ook om kinders se emosionele intelligensie te ontwikkel.
Die leerproses vereis van kinders om groot motoriese-, fynmotoriese-vaardighede, balans, ruimtelike oriëntasie en prosseseringsvaardighede te gebruik. Ons glo dat kinders hierdie vaardighede moet ontwikkel — daarom is buitemuurse aktiwiteite deel van ons kernprogram.
Ons Akademiese Program
Ons volg die erkende IMPAQ-kurrikulum vir Graad RR–12 wat 'n stewige fondament en nasionaal erkende sertifisering bied.
Ons volg die IMPAQ-kurrikulum
Tutors@Zwartkop volg die erkende IMPAQ-kurrikulum vir Graad RR tot Graad 12. IMPAQ is landwyd bekend vir uitmuntende kurrikulum, assessering en ondersteuning.
Vir meer inligting besoek gerus impaq.co.za
Meer as Net Akademie
Holistiese ontwikkeling — liggaam, gees en siel.
Warm Water Swembad
Ons perseel het 'n pragtige warm water swembad waar toegangsbeheer streng toegepas word. Daar is ten alle swem-tye voldoende toesig.
Swem bevoordeel kinders met lae spiertonus wat sukkel met balans, omdat swem kernsterkte bou, spiere ontwikkel en koördinasie oefen. Dit verskaf geleentheid aan kinders wat sukkel om te beweeg, want daar is geen gravitasiekragte wat beweging verhinder nie.
Die kinetiese sensasie van water is goed vir neurologiese ontwikkeling. Swem bevorder ook ruimtelike oriëntasie en sosiale interaksie.
RSD Rugby
RSD Rugby bied oefen sessies by die leersentrum aan. RSD Rugby onderrig leerders om die vaardighede om rugby te speel aan te leer.
Leerders ontvang ook oefening en stimulasie van:
Die Witjassies
Die Witjassies bied 'n interaktiewe wetenskapprogram aan waar kinders op 'n speelse, praktiese wyse meer van wetenskap leer.
Hierdie program spark nuuskierigheid en 'n liefde vir ontdekking — terwyl dit kritieke denkvaardighede en probleemoplossing aanmoedig.
Besoek Die Witjassies Webtuiste →Ons Jong Entrepreneurs
Ons leerders kry die kans om entrepreneurskap en besigheidsvaardighede prakties te beleef.
Affiliasies & Donateurs
Ons is dankbaar vir die ondersteuning en vennootskappe wat ons gemeenskap opbou.
Marie Nel Photography
Marie Nel is 'n huwelik- en leefstyl-fotograaf gebaseer in Centurion, Gauteng.
Firefly Lighthouse
Berading Praktyk
Gespesialiseerde berading vir kinders, tieners en ouers — insluitend ASD-berading, spelterapie en traumaverwerking. Lorraine Havemann (SAAC 0268-11/2025).
Potterycrafters · Pottbakkery Klasse
Klei. Kreatiwiteit. Kalmte.
R150 per persoon per klas · R550 per persoon vir 4 klasse per maand · 1 klas duur 1 uur. Klei en gereedskap word voorsien.
Pretoria · Geskik vir volwassenes, skole, naskoolse programme en leersentrums.
Bespreek asseblief minstens 1 week vooruit om teleurstelling te voorkom.
📱 Kontak Jackie: WhatsApp 074 811 9180
Wil u betrokke raak of doneer? Kontak ons gerus.